کراچی(اسٹاف رپورٹر)ایڈیشنل آئی جی کراچی نے شاہ فیصل کالونی سے ٹارگٹ کلر کی گرفتاری پر افسر سمیت اہلکاروں کو ایک لاکھ روپے انعام دینے کا اعلان کردیا۔ ترجمان کی جانب سے جاری اعلامیے میں کہا گیا کہ ایڈیشنل آئی جی کراچی ڈاکٹر امیر شیخ نے شاہ فیصل انویسٹی گیشن پولیس کے انچارج خالد آرائیں ،اے ایس آئی طارق بھٹی اور دیگر اہلکاروں کو ایک لاکھ روپے انعام دینے کا اعلان کیا۔ مذکورہ افسران نے چند روز قبل 2012میں پولیس اہلکار کو شہید کرنے والے ٹارگٹ کلر زاہد شاہ کو گرفتار کیا تھا۔