نادرن بائی پاس سے دودھ کا تاجر اغوا

کراچی(اسٹاف رپورٹر)ناردرن بائی پاس کے قریب سے دودھ کے تاجر کو اغوا کرلیا گیا، جب کہ ملزمان نے تاجر کے 5 دوستوں کو چھوڑ دیا۔تفصیلات کے مطابق سرجانی ٹاؤن کے علاقے ناردرن بائی پاس کے قریب سے اتوار اور پیر کی درمیانی شب موٹر سائیکلوں پر سوار 5 افراد اسلحہ کے زور پر دودھ کے تاجر عظمت چیمہ کو اس کی کار سمیت اغوا کرکے فرار ہوگئے۔’’امت‘‘ کو ڈیوٹی افسر خان محمد نے بتایا کہ عظمت چیمہ اپنی کرولا کار میں 5 دوستوں کے ساتھ گڈاپ کے علاقے میں شادی کی تقریب سے واپس آرہا تھا۔وہ اتوار اور پیر کی درمیانی شب مذکورہ مقام سے گزر رہا تھا کہ گھات لگائے موٹر سائیکل سوار ملزمان نے اسلحہ کے زور پر کار روک کر تمام افراد کو نکالا اور عظمت چیمہ کو شناخت کے بعد اس کی کار میں ڈال کر لے گئے۔مغوی کی نارتھ کراچی پاور ہاؤس چورنگی کے قریب دودھ کی دکان ہے ۔پولیس نے واقعہ کا مقدمہ الزام نمبر 544/18 درج کرلیا۔