کراچی (اسٹاف رپورٹر)پولیس نے مختلف کارروائیاں کرتے ہوئے متحدہ قومی موومنٹ لندن کے ٹارگٹ کلر ، فحاشی کا دھندا کرنے والی دو خواتین سمیت 24 ملزمان کو گرفتار کرکے انکے قبضے سے اسلحہ اور منشیات برآمد کرلی، تفصیلات کے مطابق کورنگی پولیس نے ٹارگٹ کلر ایوب عرف کلو کو گرفتار کرکے اسلحہ برآمد کرلیا، گرفتار ہونے والے ٹارگٹ کلر متحدہ قومی موومنٹ لندن کا سابقہ کارکن ہے اور اس نے ذاتی دشمنی کی بناءپرفائرنگ کرکے دوافراد شاہد عرف پاسپورٹ اور صلاح الدین عرف ماموں کو قتل کرنے کا اعتراف کیا ہے۔کلفٹن پولیس نے دو خواتین نائلہ اور نادیہ جبکہ ایک مرد بلال ذاکر کو گرفتار کرلیا۔ ملزم بلال ذاکر اپنے ساتھ خواتین کو سی ویو پر لاکر فحاشی کا دھندا کرواتا تھا ، اور یہ ملزمان کئی ماہ سے اس دھندے میں ملوث ہیں۔قائد آباد پولیس نے پولیس اہلکار احمد علی کو قتل کرنے والے ٹارگٹ کلر رحمان باچہ کو گرفتار کرکے اسلحہ برآمد کرلیا۔سرسید پولیس نے ملزم عمران عابد اور عبدالسلام کو، فیروز آباد پولیس نے لینڈ گریبر محمود عالم اور محمد انوار کو سرجانی ٹاؤن پولیس نے 6 ملزمان نواب ،سردار ، یاسین، آصف ، نذیراور غلام یاسین کو کورنگی صنعتی ایریا پولیس نے ملزم الیاس، اور مصطفی کو کھوکھراپار پولیس نے ملزم سلیم کو شاہ فیصل پولیس نے ملزم شان کو ماڈل کالونی پولیس نے ملزم علی حسن اور محمد نعمان کو اوربلوچ کالونی پولیس نے تین ملزمان ظہیر خان، عمر ، اور نوید احمد سومرو کو گرفتار کرکے انکے قبضے سے منشیات برآمد کرلی۔