کراچی (مانیٹرنگ ڈیسک) صدر مملکت ڈاکٹرعارف علوی اپنے پہلے دورے پر جمعہ کو کراچی پہنچے۔ اسلام آباد سے نجی ائیر لائن کی پرواز کے ذریعے آئے۔ صدر مملکت کی آمد کے موقع پر شارع فیصل کو بندکردیا گیا تھا۔ اور ان کے قافلے میں 42 گاڑیاں شامل تھیں۔ اس حوالے سے تحریک انصاف کے صوبائی رہنما اور رکن سندھ اسمبلی حلیم عادل شیخ کا کہنا تھا کہ صدر عارف علوی اولڈ ٹرمینل سے اسٹیٹ گیسٹ ہاؤس گئے۔ ان کے اسکواڈ میں صرف 3 گاڑیاں شامل تھیں باقی گاڑیاں گورنر، وزیراعلیٰ اور دیگر شخصیات کی تھیں جو صدر مملکت کے استقبال کیلئے ائیرپورٹ آئے تھے۔ شارع فیصل کی بندش کے حوالے سے پی ٹی آئی رہنما کا کہنا تھا کہ اس حوالے متعلقہ حکام ہی بتا سکتے ہیں۔