لاہور(نمائندہ امت) مسلم لیگ (ن) کے قائد میاں نواز شریف کا پیرول پر رہائی کے مسلسل تیسرے روز بھی ذاتی معالجین نے طبی معائنہ کیا اور ان کے خون کے بعض ٹیسٹ بھی لئے۔یہ طبی معائنہ جاتی امرا میں رہائش گاہ پر ہوا۔ اس دوران میاں نواز شریف کی والدہ محترمہ شمیم اختر کے طبی معائنے کیلئے بھی ڈاکٹر جاتی امرا آئے۔ ذرائع کے مطابق بیگم کلثوم نواز کی میت لاہور پہنچنے کے روز ڈاکٹر خصوصی طور پر جاتی امرا زیادہ دیر کیلئے موجود رہے اور شریف خاندان کے اہلخانہ کی طبی ضروریات کو دیکھتے رہے۔