کراچی (اسٹاف رپورٹر)وزیر اعظم عمران خان کی مزار قائد آمد پر لاپتہ افراد کے اہل خانہ اور نادرا کے برطرف ملازمین نے مظاہرہ کیا ۔تفصیلات کے مطابق وزیر اعظم عمران خان کے مزار قائدپہنچنے پر لاپتہ افراد کے اہل خانہ نے اپنے پیاروں کی بازیابی کے لیے مظاہرہ کیا، مظاہرین نے بینرز اٹھائے ہوئے تھے اورمسلسل نعرے بازی کررہے تھے ۔دوسری جانب نادرا کے برطرف ملازمین نے بھی اپنی برطرفی کے خلاف احتجاج کیا۔