بارسلونا(امت نیوز)اسپینش لالیگا فٹ بال لیگ میں بارسلونا نے ریال سوسائیڈاڈ کو ہرا کر مسلسل چوتھی فتح حاصل کر لی۔ اسپینش لالیگا کے سلسلے میں کھیلے گئے میچ میں بارسلونا نے شاندار کھیل پیش کرتے ہوئے ریال سوسائیڈاڈ کلب کو دلچسپ مقابلے کے بعد 2-1 گولز سے ہرا کر مسلسل چوتھی کامیابی اپنے نام کر لی، پہلے ہاف میں ریال سوسائیڈاڈ کلب کو بارسلونا کے خلاف 1-0 گول کی برتری حاصل تھی تاہم دوسرے ہاف میں بارسلونا کا پلڑا بھاری رہا ۔