کراچی (اسٹاف رپورٹر)سرجانی ٹاؤن میں واقع ندی سے 40 سالہ شخص کی دو روز پرانی تشدد زدہ لاش ملی ۔ملزمان نے مقتول کا چہرہ بھی جلانے کی کوشش کی تھی ۔تفصیلات کے مطابق سرجانی ٹاؤن کے علاقے تیسر ٹاؤن سیکٹر 36 سی میر خان گوٹھ کے قریب واقع ندی سے40 سالہ شخص کی تشدد زدہ لاش ملی ۔ایس ایچ او آغا معشوق نے بتایا کہ مقتول کے پاس سے شناخت کی کوئی چیز نہیں ملی ہے ۔اسے نامعلوم ملزمان نے اغواءکے بعد تشدد کا نشانہ بنانے کے بعد سرپر وزنی چیز سے وار کرکے ہلاک اور لاش پھینک کر فرار ہوگئے ۔امت کو سب انسپکٹر خان محمد نے بتایا کہ ملزمان نے اس کا چہرہ بھی جلانے کی کوشش کی ہے ، تاکہ مقتول کی شناخت نہ ہوسکے ۔وہ سفید رنگ کی شرٹ اور نیلے رنگ کی پینٹ پہنے ہوئے تھا ۔پولیس کا کہنا ہے کہ مذکورہ ندی خشک ہے اور لاش پرانی ہونے کی وجہ سے خراب ہوگئی۔