پیانگ یانگ(مانیٹرنگ ڈیسک) جنوبی کوریا کے صدر مون جے اِن شمالی کوریا پہنچ گئے جہاں اُن کا تاریخی استقبال کیا گیا۔غیر ملکی خبررساں ادارے کے مطابق جنوبی کوریا کے صدر اپنی اہلیہ کے ہمراہ شمالی کوریا کے3روزہ دورے پر سنان انٹرنیشنل ایئرپورٹ پہنچے جہاں شمالی کوریا کے سربراہ کم جونگ اُن نے اپنی اہلیہ کے ہمراہ استقبال کیا۔ائیرپورٹ میں شہریوں کی بڑی تعداد امڈ آئی جنہوں نے دونوں رہنماؤں پر پھول نچھاور کیے گئے جب کہ ایئرپورٹ کو دونوں ممالک کے پرچموں سے سجایا گیا تھا۔ شمالی کوریا کے سربراہ کم جونگ اُن پہلی مرتبہ کسی مہمان کا استقبال کرنے خود ایئرپورٹ پہنچے۔