کراچی(اسٹاف رپورٹر)رینجرز اور پولیس نے متحدہ لندن کے بھتہ خور، تالا توڑ گروپ کے کارندے سمیت 27 ملزمان کو گرفتار کرلیا۔تفصیلات کے مطابق رینجرز نے زمان ٹاؤن کے علاقے میں کارروائی کرکے متحدہ قومی موومنٹ لندن کے بھتہ خور اسد اللہ کو گرفتار کرلیا۔ملزم زمینوں پر قبضے اور بھتہ خوری کی متعدد وارداتوں میں ملوث ہے ْرینجرز نے زمان ٹاؤن اور ماڈل کالونی کے علاقے سے 3 ملزمان عبدالنوید ، راشد اکرم عرف وکی اور محمد موسی کو گرفتار کرلیا۔محمود آباد پولیس نے دکانوں کے تالے کاٹنے والے ایک ملزم شہروز کو مقابلے کے بعد زخمی حالت میں گرفتار کر کے اسلحہ اور کٹر برآمد کرلیا، جبکہ اس کے ساتھی فرار ہوگئے۔فیروز آباد پولیس نے مقابلے کے بعد 2 زخمی ملزمان جانباز خان، اسد خان، جیکسن پولیس نے ملزم امیر سعید ، کورنگی پولیس نے ملزم عزیز بنگالی، بلال کالونی پولیس نے 2 ملزمان بلال ، شاہ نواز ، کورنگی صنعتی ایریا پولیس نے ملزمان عمران رضا ، مفرور ملزم طارق مجید ، گلبرگ پولیس نے 2 ملزمان دانش ، رضوان عرف رستم عرف چوڑا، سائٹ اے پولیس نے 3 ملزمان فرخ ، سمیر، جنید ، اسٹیل ٹاؤن پولیس نے 3 ملزمان خان شیخ،شہباز، فاروق ، بغدادی پولیس نے 2 منشیات فروش عثمان، فیضان ،اقبال مارکیٹ پولیس نے منشیات فروش واحد، پیر آباد پولیس نے منشیات فروش صفدر حسین ،نیو کراچی پولیس نے 2 منشیات فروشوں کامران اور عمران کو گرفتار کرلیا ۔