چکوال(نمائندہ امت )دس محرم کو چکوال میں دہشت گردی کرنے کا خوفناک منصوبہ ناکام بنا دیا گیا ۔سی ٹی ڈی نے کارروائی کرتے ہوئے کالعدم تنظیم کے دو دہشتگردوں سے بھاری مقدار میں ناجائز اسلحہ اور دیگر سامان برآمد کرلیا۔دہشت گردوں کو ربال موڑ جہلم روڈ سے حراست میں لیا گیاان کے قبضے سے ایک کلو دھماکہ خیز مواد اور 4 عدد ڈیٹونیٹر اور 12 فٹ پرائمہ کارڈ برآمدہوا۔ دہشت گردوں کی شناخت عبدالحمید ضلع بہالپور اور عبدالرحمن ضلع مظفر گڑھ کے نام سے ہوئی۔دونوں کو نامعلوم مقام پر منتقل کر دیا گیا۔