لاہور(امت نیوز) حکومت پنجاب نے گھریلو ملازمین کیلئے ہفتہ وار چھٹی اور کم از کم تنخواہ کے قانون پر عمل درآمد کو لازم قرار دینے کے لئے قانون سازی کا اعلان کر دیا۔ لیبر قوانین میں گھریلو ملازمین کو تحفظ دیا جائے گا۔حکومت پنجاب نے گھریلو ملازمین کے حقوق کے تحفظ کا بیڑہ اٹھاتے ہوئے ان کیلئے ہفتہ وار چھٹی اور کم از کم تنخواہ کے قانون پر عمل درآمد یقینی بنانے کا فیصلہ کیا ہے۔ نجی ٹی وی کے مطابق پنجاب حکومت نے اعلان کیا ہےکہ گھریلو ملازمین کے لئے کم از کم تنخواہ کے قانون پر عمل نہ کرنے والے آجرسزا پائیں گے۔