کراچی (اسٹاف رپورٹر) ملیر سے دکاندار کو جعلی پرائز بانڈز اور ڈالرز سے خریداری کرنے والی خاتون پکڑی گئی۔ تفصیلات کے مطابق سعود آباد کے علاقے ملیر لیاقت مارکیٹ میں سدرہ نامی خاتون نے 7500 والے جعلی بونڈ اور 100 والے جعلی ڈالر سے مارکیٹ میں مختلف دکانوں پر جاکر خریداری کی اور جعلی بونڈ اور ڈالرز چلانے کی کوشش کی، اس دوران دکانداروں کو شک ہوا اور انہوں نے خاتون کو پکڑ کر سعود آباد پولیس کے حوالے کردیا، پولیس نے خاتون کو ہراست میں لے کر قانونی کارروائی شروع کردی، پولیس کے مطابق سدرہ نامی خاتون کے پاس سے جعلی 7500کے 13اور 100 والے ڈالر 6برآمد کرکے مزید تفتیش شروع کردی ہے۔