ایشین جونیئر اسکواش چیمپئن شپ کا آغازآج ہو گا

چنائی (امت نیوز) ایشیئن جونیئر سکوائش چیمپئن شپ (آج) بدھ سے بھارت کے مشہور شہر چنائی میں شروع ہوگی، پاکستانی کھلاڑی ایونٹ میں شرکت کیلئے پہلے ہی بھارت پہنچ چکے ہیں۔ جہاں کھلاڑیوں کی حفاظیلئے خصوصی سیکورٹی کا اہتمام کیا گیا ہے ۔ رپورٹ کے مطابق عباس زیب، عزیز شوکت، حارث قاسم، اسد اللہ، انس بخاری، حمزہ خان اور اصحاب عرفان پاکستان کی نمائندگی کریں گے۔ پاکستان سکوائش فیڈریشن کے سیکرٹری گروپ کیپٹن طاہر سلطان کے مطابق پاکستانی کھلاڑی انڈر 13، انڈر 15، انڈر 17 اور انڈر 19 کیٹگریز کے مقابلوں میں ٹائٹلز کے حصول کیلئے اپنی صلاحیتوں کے جوہر دکھائیں گے۔