لاہور(امت نیوز)علامہ اقبال انٹرنیشنل ایئرپورٹ پر قومی ایئر لائنز کی اسلام آباد سے آنے والی پرواز کو پرندہ ٹکرانے سے لینڈنگ میں مشکل کاسامناکرناپڑا۔انتظامیہ نے جہاز کو گراؤنڈ کر دیا۔تفصیلات کے مطابق پی آئی اے کی اسلام آباد سے لاہور آنے والی پرواز پی کے 655مرکزی رن وے پر لینڈنگ کے لیے پہنچی ہی تھی کہ اس سے پرندہ ٹکرا گیا۔ اے ٹی آر طیارے سے اچانک پرندہ ٹکرانے کے باعث دشواری کے باوجود کپتان نے انتہائی مہارت سے جہاز کو مرکزی رن وے پر لینڈ کروا لیا۔