ہم زلف کے قتل-سالی کو زخمی کرنے میں ملوث ملزم دھرلیا گیا

کراچی(اسٹاف رپورٹر)لیاری آگرہ تاج کالونی میں 8 روز قبل ہم زلف کو قتل اور سالی کو زخمی کرنے میں ملوث ملزم کو پولیس نے گرفتار کرلیا۔پولیس کے مطابق ملزم آئی ٹی کا ماہر ہے اور اہلیہ کو منانے کے دوران جھگڑے کے بعد فائرنگ کی تھی۔تفصیلات کے مطابق 20ستمبر کی رات کلری کے علاقے لیاری آگرہ تاج کالونی نیوی فلیٹ کے قریب شان پلازہ میں واقع فلیٹ میں گھس کر نامعلوم ملزمان نے فائرنگ کرکے 38سالہ زبیر ولد عارف کو جاں بحق اور اس کی بیوی 30سالہ انیلہ کو زخمی کردیا تھا۔پولیس نے ملوث ملزم مقتول کے ہم زلف خالد کو گرفتار کرلیا۔پولیس ذرائع کے مطابق ملزم آئی ٹی کا ماہر اور بہاولپور یونیورسٹی میں ڈائریکٹر ہے۔