کراچی (اسٹاف رپورٹر) سائٹ ایریا کے علاقے ہارون آباد کے قیب واقع نجی اسکول کے قریب بم نما چیز برآمد ہونے کی اطلاع پر لوگوں میں خوف و ہراس پھیل گیا، واقعے کی اطلاع پولیس کو دی گئی اور بم ڈسپوزل اسکواڈ کو طلب کیا گیا، پولیس نے مذکورہ مقام کوگھیرے میں لیتے ہوئے علاقہ مکینوں وہاں سے دور کردیا، تاہم بم ڈسپوزل اسکواڈ نے اسکی چیکنگ کے بعد اسے کلئیر قرار دے دیا، بم ڈسپوزل اسکواڈکا کہنا ہے کہ مذکورہ چیز کسی مشین کا پارٹس ہے اور اس میں کوئی بارودی مواد یا خطرناک چیز نہیں پائی گئی۔