پشاور(امت نیوز) پہلی آر ٹی آئی آل پاکستان ٹیبل ٹینس چیمپئن شپ ٹیم ایونٹ مرحلہ جاری ہے دوسرے مردوں کے مقابلوں میں میں خیبر پختونخوا اے نے پاکستان ریلوے کو تین صفر سے ہرایا پہلے میچ میں شایان نے حسیب کو تین دو، دوسرے میچ میں اویس نے جابر کو تین صفر اور تیسرے میچ میں شرجیل نے فوضیل کو تین ایک سے ہرایا۔ دوسرے میچ میں پاکستان ریلوے نے بلوچستان تین صفر سے رایا پہلے میچ میں حسیب خواجہ نے ماجد کو تین صفر، جابر نے زین کو تین صفر اور فوضیل نے حسیب کو تین صفر سے شکست دے دی، خواتین مقابلوں میں خیبر پختونخوا نے پاکستان ملٹری ا کائونٹس ڈیپارٹمنٹ (پی ایم اے ڈی) کو تین صفر سے ہرایا، اقراء نے مہوش گل کو تین صفر، کائنات نے صائمہ کو تین صفر، نمرہ نے مہوش گل کو تین صفر سے ہرایا۔