اسلام آباد امن فٹبال کپ میں ایلیٹ کلب کی کامیابی

اسلام آباد (امت نیوز) اسلام آباد امن فٹ بال کپ ٹورنامنٹ میں ایلیٹ کلب نے حیدری کلب کو پنالٹی ککس پر 5-4 گولز سے شکست دے کر سیمی فائنل کے لئے کوالیفائی کر لیا۔ گزشتہ روز این آئی ایچ فٹ بال گرائونڈ میں کھیلے گئے پہلے کوارٹر فائنل میچ میں دونوں ٹیمیں مقررہ وقت تک گول کرنے میں ناکام رہیں تاہم پنالٹی شوٹ آئوٹ پر ایلیٹ کلب نے حیدری کلب کو 4 کے مقابلے میں 5 گولز سے ہرا کر سیمی فائنل میں جگہ بنائی، اسلام آباد فٹ بال ایسوسی کے جنرل سیکرٹری سید شرافت حسین بخاری کے مطابق ٹورنامنٹ میں 20 ٹیمیں حصہ لے رہی ہیںاور ٹورنامنٹ ناک آئوٹ سسٹم پر کھیلا جا رہا ہے۔