کراچی (پ ر) جماعت اسلامی کے بانی مولانا سید ابوالااعلیٰ مودودی نے26اگست 1941کو جماعت اسلامی کی بنیاد رکھی تھی، جبکہ ستمبر مولانا مودودی کی پیدائش اور وفات کا مہینہ ہے۔ ان حوالوں اور مناسبت سے جماعت اسلامی کراچی کے زیر اہتمام کل (اتوار) بعد نماز مغرب حکیم سعید گرائونڈ متصل بیت المکرم مسجد گلشن اقبال میں ’’سید ابوالااعلیٰ مودودیؒ اور جماعت اسلامی، دعوت، تحریک، انقلاب‘‘ کے عنوان سے خصوصی اجتماع عام ہوگا جس کی صدارت سید منور حسن کریں گے۔ اجتماع سے حافظ محمد ادریس، عبدالغفار عزیز، معروف دانشور و تجزیہ کار شاہ نواز فاروقی اور دیگر خطاب کریں گے۔