کراچی(بزنس رپورٹر) پاکستان اسٹینڈرڈ زاینڈ کوالٹی کنٹرول اتھارٹی کے ڈائریکٹر جنرل عبدالعلیم میمن کے احکامات پر ٹیم نے کراچی، حیدرآباد، میرپورخاص اور ٹنڈوالہ یار میں غیر معیاری اشیاء اور آر او پلانٹ پر چھاپے مارے۔ٹیم نے ایئرپورٹ کے قریب میٹرو کیش اینڈ کیری میں او کے برانڈ بناسپتی اور مولوی برانڈ بناسپتی کو غیر معیاری پاکر اسٹال سے ہٹوا دیا۔ ٹیم نے حیدرآباد، میرپورخاص اور ٹنڈو الہ یار میں چھاپہ کے دوران 8 باٹل ڈرنکنگ واٹر آر او پلانٹ کو سربمہر کردیا، جن میں میسرز ایکوا ایکس پیور ڈرنکنگ واٹر، ایکوا لائف، Elleyen پریمیئم ڈرنکنگ واٹر، میزاب واٹر، حیدرآباد، اوشیئن پیور ڈرنکنگ واٹر، نیوسٹی تعلقہ کوٹ غلام محمد، میرپورخاص، بلال بیوریج کمپنی، ٹنڈو الله یار، ایکوا روز واٹر فلٹر پلانٹ، ٹنڈو الہ یار اور آکسی رچ بیسٹ ڈرنکنگ واٹر ٹنڈو الہ یار شامل ہیں۔