لیاری سے لاپتہ ہونیوالے 2بچے خود ہی گھر لوٹ آئے

کراچی (اسٹاف رپورٹر)لیاری سے ہفتے کی صبح لاپتہ ہونے والے 2بچے شام کو خود گھر واپس آگئے ۔اہل خانہ نے پولیس کارروائی سے انکار کردیا۔تفصیلات کے مطابق بغدادی کے علاقے لیاری کے رہائشی 2افراد نے ہفتے کی صبح پولیس سے رابطہ کرکے بتایا تھا کہ ان کے 2بچے جو صبح اسکول گئے تھے ، لیکن وہ گھر واپس نہیں آئے ۔پولیس نے بتایاکہ بچوں کی عمریں 11اور 12سال تھیں اوراطلاع کے بعد ان کی تلاش شروع کی گئی ، لیکن وہ ہفتے کی شام ہی خود گھر لوٹ آئے،جس پر پولیس نے بچوںکا بیان لیا ، تو انہوں نے کہا کہ وہ اسکول میں ٹیچر کی ڈانٹ ڈپٹ سے پریشان تھے اور غصے میں اسکول جانے کے بجائے موچکو کے علاقے میں چلے گئے تھے۔ شام ہونے کے بعد گھر واپس آگئے۔پولیس کا کہنا ہے کہ بچوں کے اہل خانہ نے پولیس کارروائی سے منع کردیا ہے ۔