کراچی(اسٹاف رپورٹر)کیماڑی کے مکینوں کی شکایت پر جیکسن پولیس نے موٹر سائیکل پر منشیات سپلائی کرنے والے ملزم کو سی سی ٹی وی سے شناخت کر کے گرفتار کرلیا ۔تفصیلات کے مطابق جیکسن پولیس کو علاقہ مکینوں نے اطلاع دی کہ ایک شخص موٹر سائیکل پر منشیات سپلائی کرتا ہے ،جس پر پولیس نے ملزم کی شناخت کیلئے سی سی ٹی وی کیمرہ نصب کردیا ،ہفتے کو ملزم علاقے میں منشیات دینے آیا تو گرفتار کرلیاگیا ۔ایس ایچ او نصیر تنولی نے بتایا کہ ملزم عاشر سے ایک کلو سے زائد چرس برآمد کرلی ہے جبکہ اس نے اپنے نیٹ ورک سے متعلق اہم انکشاف بھی کیے ہیں ۔ ملزم کیخلاف مقدمہ درج کرکے مزید تفتیش کی جارہی ہے ۔