لاہور(امت نیوز)امریکی خاتون نے دنیا کے معروف ترین سٹار فٹبالر کرسٹیانورونالڈو پر انتہائی شرمناک الزام عائد کرتے ہوئے کہاہے کہ رونالڈو نے 2009 میں مجھے ہوٹل میں جنسی زیادتی کا نشانہ بنایا ۔تفصیلات کے مطابق کرسٹیانو رونالڈو دنیا کے معروف ترین فٹبالر ہیں جس پر امریکی شہر لاس ویگاس سے تعلق رکھنے والی34 سالہ خاتون کیتھرین مایورگا نے جنسی زیادتی کا الزام عائد کرتے ہوئے کہاہے کہ کھلاڑی نے مجھے 2009 میں ہوٹل میں جنسی زیادتی کا نشانہ بنایا ۔خاتون کا کہناتھا کہ رونالڈو نے مجھے جنسی زیادتی کا نشانہ بنانے کے بعد 3 لاکھ 75 ہزار پانڈ دیئے اور کہا کہ اس رات کے بارے میں کسی کو بھی نہ بتائوں ۔ انہوں نے الزام عائد کیا اور 9 سال قبل ہوٹل کے پرتعیش کمرے میں پیش آنے والے واقعے سے متعلق زبان کھولی۔