کراچی (اسٹاف رپورٹر) بہادرآباد میں نوجوان نے ڈکیتی کی کوشش کرنے پر ڈاکو کو گولی ماردی، زخمی ملزم جناح اسپتال منتقل کردیا گیا۔ جبکہ پولیس نے اس کے مفرور ساتھی کی تلاش شروع کردی ہے۔تفصیلات کے مطابق شہر قائد میں چوری، ڈکیتی اور اسٹریٹ کرائم کی وارداتوں میں روز بروز اضافہ ہوتا جارہا ہے۔ بہادر آباد میں خواتین کو لوٹنے کی کوشش کی گئی2 ڈاکو خاتون سے پرس چھین کر فرار ہورہے تھے کہ وہاں موجود ایک نوجوان نے ڈاکو کو گولی مار دی جبکہ ملزم کا ساتھی فرار ہونے میں کامیاب ہوگیا۔ بعدازاں ملزم کو زخمی حالت میں پکڑ کرپولیس کے حوالے کردیا گیا جسے پولیس نے حراست میں لیکر طبی امداد کیلئے جناح اسپتال منتقل کردیا۔جب کہ اس کے ساتھی کی تلاش شروع کردی ہے۔