کراچی(اسٹاف رپورٹر) رینجرز اور پولیس نے لیاری گینگ وار کے دو کارندوں سمیت33ملزمان کو گرفتار کر کے اسلحہ، بارود اور مسروقہ سامان برآمد کرلیا۔ تفصیلات کے مطابق رینجرز نے گارڈن کے علاقے میں کارروائی کرتے ہو ئے لیاری گینگ وار کے 2کارندوں شہر یار عرف شیری اور محمد زید کو گرفتار کرلیا۔ترجمان کے مطابق گرفتار ملزمان بھتہ خوری کے علاوہ دیگر جرائم میں بھی ملوث ہیں۔ رینجرز نے کھارادر اور جمشید کوارٹر سے 3 ملزمان شاہجہان، فراز اور محمد احمد کو گرفتار کرلیا جو اسٹریٹ کرائم میں ملوث ہیں۔ملزمان کو پولیس کے حوالے کردیا۔ بادل گوٹھ۔ کو رنگی ۔چکرا گوٹھ میں مقابلوں کے بعد جہانزیب ۔زبیر اور ذیشان کو زخمی حالت میں گرفتار کر کے اسلحہ اور موٹر سائیکلیں برآمد کرلیں ۔ بغدادی پولیس نےواجد اور راجو کو گرفتار کر کے3کلو چرس برآمد کرلی۔ ناظم آباد مجاہد کالونی سے جوکریم بخش کو گرفتار کرلیاگیا ۔ رضویہ اور گلبرگ پولیس نے منشیات فروشوں یوسف ،قدوس اور ناصر ۔کھارادر پولیس نے اسٹریٹ کرمنل شاہجہان اور زاہد کو گرفتار کر کےمنشیات ۔ اسلحہ موٹر سائیکل برآمد کرلی۔ کورنگی سے موٹر سائیکل لفٹر سمیت 4ملزمان فیصل، قاسم، عبداللطیف اور خالد کو گرفتار کرکے اسلحہ اور 3موٹر سائیکل برآمد کرلی۔ عزیز آباد سے اسٹریٹ کرمنل مقصود کو گرفتار کر کے اسلحہ موٹر سائیکل برآمد کرلی۔ عزیز بھٹی پولیس نے 2منشیات فروش شیر زمان اور سلیمان کو گرفتار کرکے ایک کلو چرس اور موٹر سائیکل برآمد کرلی۔ جیکب لائن سےاسٹریٹ کرمنل قدیر خان، ایاز اور ابوالکلام کو گرفتار کر کے اسلحہ موٹر سائیکل برآمد کرلی۔ سپر مارکیٹ پولیس نے 2اسٹریٹ کرمنل راشد اور عثمان کو گرفتار کر کے اسلحہ موٹر سائیکل برآمد کرلی۔ اورنگی پولیس نے اسٹریٹ کرمنل صدیق کو گرفتار کر کے اسلحہ برآمد کرلیا۔