انٹر ریجن انڈر 19 ٹورنامنٹ میں آج اہم میچ ہوگا

راولپنڈی(امت نیوز) انٹر ریجن انڈر 19 سہ روزہ کرکٹ ٹورنامنٹ، ٹرائنگولر سٹیج کا تیسرا اور آخری میچ (آج) پیر سے کراچی بلیوز اور فیصل آباد کے مابین میرپور سٹیڈیم میں کھیلا جائے گا۔ سٹیج کی تیسری ٹیم لاہور بلیوز اپنے دونوں میچز میں کوئی پوائنٹس حاصل نہ کر سکی، اس طرح وہ فائنل کی دوڑ سے باہر ہوگئی ہے، پہلے میچ میں مقابلہ ڈرا ہو جانے کے بعد فیصل آباد نے لاہور کے خلاف پہلی اننگز میں سبقت کی بنیاد پر تین پوائنٹس حاصل کر لئے تھے، کراچی کے خلاف میچ میں بھی لاہور کی ٹیم پہلی اننگز میں سبقت حاصل نہ کر سکی اور میچ ڈرا ہو جانے کی وجہ سے کراچی کی ٹیم کو تین پوائنٹس مل گئے، اس طرح دفاعی چیمپئن کراچی بلیوز اور فیصل آباد نے فائنل کیلئے کوالیفائی کر لیا ہے، ٹرائنگولر سٹیج میں (آج) پیر کو آخری اور رسمی میچ کراچی بلیوز اور فیصل آباد کے درمیان کھیلا جائے گا، بعد ازاں یہ دونوں ٹیمیں 6 اکتوبر کو ایک مرتبہ پھر فیصلہ کن معرکے میں آمنے سامنے ہوں ۔