اسلام آباد (امت نیوز) نیشنل وویمن باسکٹ بال چیمپیئن شپ کے سیمی فائنل مقابلے (آج) بدھ کو پاکستان سپورٹس کمپلیکس کے حمیدی ہال میں کھیلے جائیں گے۔ آفس سیکرٹری اوج ظہور نے بتایا کہ چیمپیئن شپ میں ملک بھر سے دس ٹیمیں حصہ لے رہی ہیں جن کو دو گروپوں میں تقسیم کیا گیا ہے۔ گروپ اے میں پاکستان واپڈا، راولپنڈی، ہزارہ، کراچی اور حیدر آباد جبکہ گروپ بی میں پاکستان آرمی، پشاور، اسلام آباد، لاہور اور کوئٹہ کی ٹیمیں شامل ہیں۔