دبئی (مانیٹرنگ ڈیسک) متحدہ عرب امارات میں ابوظہبی کے علاقے بنی یاس میں گھر میں ہولناک آتشزدگی کے نتیجے میں ایک ہی خاندان کے 8 افراد جاں بحق ہوگئے۔عرب میڈیا کے مطابق مرنے والوں میں چھ بچے اور دو خواتین شامل ہیں جبک گھر کی مالکن کو تشویشناک حالت میں اسپتال منتقل کردیا گیا ہے۔ جھلسنے والی خاتون کے شوہر ال کوتھین کا کہنا ہے کہ گھر کے اندر آٹھ افراد موجود تھے جو جاں بحق ہوگئے ہیں ان میں ان کی دو بیٹیاں بھی شامل ہیں۔ابوظہبی سول ڈیفنس کی جانب سے جاری کردہ اعلامیے میں کہا گیا ہے کہ مذکورہ واقعہ منگل کی صبح پیش آیا۔