دنیا کے محفوظ ترین شہروں کی فہرست جاری-کراچی جگہ بنانے میں کامیاب

ٹوکیو(امت نیوز) دنیا کے محفوظ ترین شہروں کی فہرست سامنے آگئی، جس میں کراچی نے ایک بار پھر عالمی درجہ بندی میں شامل ہونے کا اعزاز اپنے نام کیا۔ دی اکنامسٹ کی جانب سے جاری سال 2017 میں‌ دنیا کے محفوظ ترین شہروں میں ٹوکیو سرفہرست ہے۔ ڈیجیٹلائز نظام، صحت، بنیادی ڈھانچے اور عوامی معلومات کی بنیاد پر تشکیل اکنامسٹ رپورٹ میں ٹوکیو 89.80نمبرز کیساتھ سرفہرست ہے، سنگا پور دوسرے، جاپان کا شہر اوساکا تیسرے، ٹورنٹو چوتھے، ملیبرن پانچویں، ایمسٹر ڈیم چھٹے، سڈنی ساتویں، اسٹاک ہوم آٹھویں، ہانگ کانگ 9ویں جبکہ زیورخ 10ویں نمبر پر رہا۔ اسکے علاوہ دیگر شہروں میں میڈرڈ، بارسلونا، سان فرانسسکو، لاس اینجلس، نیویارک، پیرس، ڈلاس،روم، ابوظہبی، دوحہ، بیجنگ، ماسکو، جدہ، دہلی، ممبئی، ریاض، بنکاک، تہران، جکارتہ اور ڈھاکہ سمیت دیگر بھی محفوظ ترین شہر قرار دیئے گئے جبکہ کراچی 38.77پوائنٹس کیساتھ 60ویں اور آخری نمبر پر رہا۔