کراچی (پ ر) این اے 243 سے پیپلز پارٹی کے نامزد امیدوار حاکم علی جسکانی نے کہا ہے کہ پی پی کا وژن عوام کی خدمت کرنا ہے اور جو وعدہ عوام سے کرتے ہیں وہ پورا کرتے ہیں۔ یہ بات انہوں نے انتخابی دفتر کے افتتاح اور جلسوں سے خطاب کرتے ہوئے کہی۔ انہوں نے کامران چورنگی، پہلوان گوٹھ، صفورا چورنگی، گلستان جوہر، چشتی نگر، مغل ہزارہ ولیج سمیت دیگر مقامات پر خطاب میں کہا کہ عوام کی خدمت اور عوام کے حقوق کی جنگ صرف پیپلز پارٹی لڑتی ہے۔