اقبال اوپن یونیورسٹی کپ میں لینڈنگ یونٹ کی کامیابی

اسلام آباد(امت نیوز) لینڈنگ یونٹ نے اقبال اوپن یونیورسٹی آزادی کپ کے ایک میچ میں فنانس الیون کو 54 رنز سے شکست دی۔ علامہ اقبال اوپن یونیورسٹی گرائونڈ پر کھیلے گئے میچ میں لینڈنگ یونٹ کی ٹیم نے ٹاس جیت کر پہلے بیٹنگ کرتے ہوئے مقررہ 6 اوورز میں بغیر کسی وکٹ کے نقصان پر 98 رنز بنائے، عمران نے 60 رنز اور عاصم نے 36 رنز بنائے، جواب میں فنانس الیون مطلوبہ ہدف پورا نہ کرسکی بلکہ 2 وکٹوں کے نقصان 45 رنز بنا سکی، عمران نے دو کھلاڑیوں کو آؤٹ کیا، عمران کو مین آف دی میچ قرار دیا گیا۔ اس سے قبل لینڈنگ یونٹ کی ٹیم نے ٹورنامنٹ کے پہلے میچ میں بھی کامیابی حاصل کی تھی۔