ایڈیشنل آئی جی کو کراچی رینج میں تقرری وتبادلے کے اختیارات مل گئے

کراچی (اسٹاف رپورٹر) آئی جی سندھ نے ایڈیشنل آئی جی کراچی کو کراچی رینج میں تقرری و تبادلے اختیارات دے دیئے ہیں جس کا نوٹیفیکیشن جاری کردیا گیا ہے ، جس کے مطابق ایڈیشنل آئی جی کراچی ڈاکٹر امیر شیخ کو اختیار دیا گیا ہے کہ کراچی رینج کے گریڈ 1 سے 18 تک اہلکار و افسران کے تبادلے و تقرری کر سکیں گے، کسی بھی افسر کی تعیناتی کی مدت کو تحفظ فراہم کیے جانے کی بھی ہدایت کی گئی ہے ، ایڈیشنل آئی جی کراچی کسی بھی افسر و اہلکار کی تقرری وتعیناتی سے قبل جانچ پڑتال کے مرحلے سے گزرا جائے گا اور افسر کی صلاحیتوں کی بیناد پر اسکی تقرری و تعیناتی کی جائے ایسے تمام افسران و اہلکار جو کہ تقرری کے منتظر ہیں ان کی تقرری ایڈیشنل آئی جی کراچی کر سکیں گے۔تاہم ایڈیشنل آئی جی ایس ایس پی ،ڈسٹرکٹ ایس پی،اسپیشلائزڈ یونٹس سی آئی اے کے تبادلے و تقرری نہیں کر سکیں گے۔دریں اثنا گزشتہ روز ایڈیشنل آئی جی نے 7ایس ایچ اوزکی تعینات کردیئے ، نوٹیفکیشن کے مطابق انسپکٹر ارشد جنجوعہ ایس ایچ او تھانہ سول لائن ،انسپکٹر عنایت اللہ مروت ایس ایچ او تھانہ کورنگی ،انسپکٹر شارق محمود ایس ایچ او تھانہ نبی بخش، انسپکٹر نعیم ایس ایچ او تھانہ موچکو، انسپکٹر ارشد آفریدی ایس ایچ او تھانہ حیدری، سب انسپکٹر ارشد جنجوعہ ایس ایچ او تھانہ درخشاں اورسب انسپکٹر ندیم حیدر ایس ایچ او تھانہ عیدگاہ تعینات ہو گئے۔