کراچی(اسٹاف رپورٹر) این اے 243 میں ضمنی الیکشن کے سلسلے میں متحدہ پاکستان کی ریلی جب حکیم سعید روڈ سے بہا در آباد پہنچی تو متحدہ کارکنوں نے پی ایس پی کے بینر ز پھاردیئے جس پر متحدہ اور پی ایس پی کے کارکن آمنے سامنے آگئے ۔دونوں پارٹیوں کی جانب کارکنوں کو مشتعل کردیا گیا ۔کارکن ایک دوسرے کیخلاف شدید نعرے بازی کرتے رہے ۔جس کے بعد متحدہ کی ریلی وہاں سے روانہ ہوگئی تا ہم ریلی جب پرانی سبزی منڈی پہنچی تو وہاں لگے پی ٹی آئی کے بینرز کو بھی پھاڑنا شروع کردیا جبکہ بیشتر مستعل کارکنان کی جانب سے کھمبوں پر لگے پی ٹی آئی کے لگے بینرز کو پھاڑ کر اپنے ساتھ لے گئے اس دوران متحدہ کارکنان کی جانب سے شدید نعرے بازی بھی کی جاتی رہی۔