مٹھی (نمائندہ امت) تھر میں غذائی قلت کے باعث مزید 4 بچے چل بسے، جس کے بعد رواں سال بچوں کی ہلاکتوں کی تعداد490 ہو گئی ہے۔ تفصیلات کے مطابق تھرمیں قحط خشک سالی اور غذائی قلت کے سبب بچوں کی اموات کا سلسلہ تھم نہ سکا، گزشتہ روز مزید 4 بچے لقمہ اجل بن گئے۔ یہ بچے سول اسپتال مٹھی میں زیر علاج تھے۔ جن میں ڈیڑھ سال کی ثمینہ دختر چھگن اور ہرچند کا دس روز کا بیٹا، 8 روز کا حفیظ اور دوماہ کی کویتا شامل ہیں۔ سول اسپتال مٹھی میں 24 بچے اب بھی زیر علاج ہیں۔ جن کو مناسب سہولیات نہیں مل رہیں۔ ورثا کا کہنا ہے کہ انہیں ادویات بھی خریدنی پڑ رہی ہیں۔