دبئی (این این آئی) پاکستانی اوپنر بلے باز امام الحق کی غیرموجودگی میں اظہر علی سے اوپننگ کرا کر لیگ اسپنر شاداب خان کو فائنل الیون کا حصہ بنائے جانے کا امکان ہے تاہم اس بات کا دار و مدار شاداب کی گروئن انجری سے صحتیابی پر ہے۔کپتان سرفراز احمد کے مطابق شاداب کو کھلانے کا انحصار شیخ زائد اسٹیڈیم کی پچ پر ہے جبکہ فخر زمان بھی اوپننگ کرسکتے ہیں جب کہ شعیب اختر نے فخر زمان کو مشورہ دیا ہے کہ وہ آئی سی سی چیمپنز ٹرافی کی اننگز بھول کر آگے بڑھیں۔انہوں نے مزید کہا کہ ٹیم کو ہوش کے ناخن لینے ہونگے۔آسٹریلیا دوسرے ٹیسٹ میں پاکستان کو ٹف ٹائم دے سکتا ہے۔پاکستانی ٹیم کی پہلے ٹیسٹ میں شکست کی وجہ فالو آن نہ لینا تھا۔اگر کھلاڑیوں کو زیادہ گرمی لگ رہی ہے تو ساحل میں جاکر آرام کریں۔ امارات میں موجود اے ٹیم کوہی آسٹریلیا کے خلاف آزمایا جائے۔