لاہور(امت نیوز) پاکستان سپر لیگ فور کا پلیئرز ڈرافٹ 20 نومبر کو اسلام آباد میں ہوگا، پی ایس ایل 14فروری 2019 سے یواے ای میں شروع ہوگی اور بعد ازاں اس کے 8میچز پاکستان میں ہوں گے ، فائنل کراچی میں 17مارچ کو ہوگا، پی سی بی کے ترجمان شکیل خان کے مطابق پی ایس ایل کے پلیئرز ڈرافٹ کے وینیو کو لاہور سے اسلام آباد منتقل کرنے کا مقصد زیادہ شہروں کو پی ایس ایل کی سرگرمیوں کا حصہ بنانا ہے، لاہور کے بعد اسلام آباد دوسرا شہر ہوگا جہاں پر پی ایس ایل کا ڈرافٹ منعقد ہوگا، پی ایس ایل کی چھ ٹیمیں اپنے کھلاڑیوں کو ٹیم میں برقرار رکھنے یا نہ رکھنے کے فیصلہ کو 13نومبر تک حتمی شکل دیں گی ، قوائد کے مطابق ہر ٹیم دس کھلاڑیوں کو اپنی ٹیم میں برقرار رکھ سکتی ہے، پی اسی ایل میں حصہ لینے والے ٹاپ غیر ملکی کھلاڑیوں میں اے بی ڈی ویلیئر ،سٹیو سمتھ، پولارڈ ،کولن منرو، شین واٹن ، سنیل نارائن ،کرس لین اور ڈیر ن سمیع شامل ہیں۔