کراچی (اسٹاف رپورٹر)شارع فیصل اور ناظم آباد میں چھت اور پل سے گر کر 2 افراد جاں بحق ہوگئے ، تفصیلات کے مطابق شاہ فیصل کالونی کے علاقے ناتھا خان گوٹھ شارع فیصل پر واقع رہائشی عمارت کی چھت پر کام کے دوران نوجوان عدنان سڑک پر گر گیا جسے جناح اسپتال منتقل کیا گیا جہاں وہ زخموں کی تاب نہ لاتے ہو ئے دم توڑ گیا۔ ورثا بغیر کارروائی کے لاش اپنے ہمراہ لے گئے ،ناظم آباد کے علاقے انکوائری آفس کے قریب پل سےگر کر50 سالہ نامعلوم شخص ہلاک ہو گیا جس کی لاش عباسی اسپتال لائی گئی ۔جسے شناخت کیلئے ایدھی سرد خانے منتقل کر دیا گیا ۔