کراچی(اسٹاف رپورٹر) ایڈیشنل آئی جی کراچی ڈاکٹر امیر شیخ کی ہدایت پر ساؤتھ و سٹی پولیس نے ’’ویک اینڈ ایکشن‘‘ کے دوران ون وہیلنگ اور ریس لگانے کے الزام میں 40 منچلوں کو گرفتار کرکے 19 مقدمات درج کرلئے، 35 موٹر سائیکلیں بھی ضبط کی گئی ہیں۔ ترجمان کراچی پولیس کے مطابق کھارادر، ڈاکس، میٹھادر، گارڈن اور نبی بخش پولیس نے 13 ملزمان کو گرفتار کرکے 13 موٹرسائیکلز بھی ضبط کرلیں، جبکہ درخشاں، ساحل، ڈیفنس اورگذری پولیس نے 22 ملزمان کو گرفتار کرکے 22 موٹر سائیکلیں ضبط کیں۔