راولپنڈی(امت نیوز) قائد اعظم ٹرافی ون ڈے کپ 2018 میں خان ریسرچ لیبارٹریز (کے آر ایل) پول اے اور سوئی سدرن گیس کارپوریشن پول بی میں سرفہرست ہے۔ پی سی بی کے زیر اہتمام ٹورنامنٹ کے سنسنی خیز مقابلے ملک بھر میں جاری ہیں، ایونٹ کے پانچ رائونڈ مکمل ہونے کے بعد پول اے میں کے آر ایل کی ٹیم پانچوں میچز جیت کر دس پوائنٹس کے ساتھ سرفہرست ہے، نیشنل بنک کی ٹیم چار فتوحات کے ساتھ آٹھ پوائنٹس کے ساتھ دوسرے اور حبیب بنک تین فتوحات کے ساتھ تیسرے نمبر پر ہے، پشاور کی ٹیم چھ پوائنٹس کے ساتھ چوتھے، سوئی نادرن گیس پائپ لائنز لمیٹڈ پانچویں، اسلام آباد چھٹے اور فاٹا ساتویں نمبر پر ہے جبکہ لاہور وائٹس کی ٹیم نے ابھی تک کوئی میچ نہیں جیتا۔ پول بی میں سوئی سدرن گیس کارپوریشن کی ٹیم ناقابل شکست ہے اور وہ دس پوائنٹس کے ساتھ پہلے نمبر پر براجمان ہے۔