ڈکیتی مزاحمت پر2زخمی۔ منگھوپیر سےہزار کلو چھالیہ پکڑی گئی

کراچی (اسٹاف رپورٹر)سچل میں لوٹ مار کے دوران مزاحمت پر فائرنگ سے خاتون سمیت 2افراد زخمی ہوگئے ۔ اسمگلروں ایک ہزار کلوچھالیہ اسلحہ ۔منشیات برآمد کرکے22ملزمان کو گرفتار کرلیا گیا ۔تفصیلات کے مطابق الآصف اسکوائر کے قریب لوٹ مار کے دوران ملزمان نے فائرنگ کر کے 19سالہ بشریٰ زوجہ جاویداور عرفان ولد سراج کو زخمی کر دیا ۔ ریسکیو ٹیم نے زخمیوں کو اسپتال منتقل کیا ۔دریں اثناگبول ٹاؤن سے منور عالم اور محمود کو گرفتار کرکے اسلحہ برآمد کرلیا گیا ،اتحاد ٹاؤن سےمنشیات فروش گل کریم پکڑاگیا ۔بغدادی سےسمیع اور جمیل کو گرفتار کرکے اسلحہ برآمد کرلیاگیا ، منگھوپیرمیں ملزم شائستہ خان اور امیر جان کو گرفتار کرکے ایک ہزار کلو چھالیہ برآمد کرلی گئی ، ملزمان بلوچستان سے کار میں چھالیہ لا رہے تھے۔گلشن اقبال میں تین ملزمان افسر شاہ ، حامد شاہ اور عبدالمجید کو گرفتار کرکے اسلحہ اور 3موٹر سائیکلیں برآمد کرلی گئیں ، میمن گوٹھ سے ملزم فیض اور عبدالمجید کو گرفتار کرکےاسلحہ برآمد کرلیاگیا ، گلبرگ سے بلال ، زبیر اور فدا لرحمان کو گرفتار کرکےان سے اسلحہ اور دو موٹر سائیکلیں پکڑی گئیں ملزمان موٹر سائیکلیں بلوچستان لے جا کر فروخت کرتے تھے ، گڈاپ اور تیموریہ پولیس نے سٹی پولیس نےملزمان اشرف ۔یامین عرف مینا ۔ جمعہ خان، منٹھا ر، شعیب ، وقار اور منیر کو گرفتار کرکے بھاری مقدارمیں منشیات برآمد کرلی۔