شارع فیصل پر بے قابو بس شہریوں پرچڑھ دوڑی -ایک جاں بحق

کراچی (اسٹاف رپورٹر)شارع فیصل پر بے قابو بس شہریوں پر چڑھ دوڑی ایک شہری ہلاک پولیس اہلکار سمیت 3افراد زخمی ہوگئے ۔ ماڑی پور میں نوجوان حادثے میں چل بسا ۔معمر شخص چھت سے گر کر جاں بحق ہو گیا ۔تفصیلات کے مطابق شارع فیصل پر تیز رفتار بس سڑک کنارے کھڑے شہریوں پر چڑھ گئی ،جس کے نتیجے میں پولیس اہلکار سمیت 4افراد زخمی ہو گئے ،تاہم ڈرائیور بس چھوڑ کر فرار ہو گیا زخمیوں کو جناح اسپتال منتقل کیا گیاجہاں ایک زخمی بدر دم توڑ گیا ماڑی پور روڈ شنواری ہوٹل کے سامنے نوجوان احمدفرازٹریفک حادثے میں جاں بحق ہو گیا پولیس کے مطابق متوفی لیاری کا رہائشی تھا ۔سولجر بازار ڈولی کھاتہ میں یاسین اسکوائر کی چھت سے گر کر 65سالہ منوربیگ شدید زخمی ہو گیا جسےسول اسپتال منتقل کیا گیا جہاں وہ دم توڑ گیا پولیس نے بغیر کارروائی لاش ورثا کے حوالے کر دی ۔