میرپور خاص (بیورو رپورٹ) میرپور خاص میں 3 گٹکا فیکٹریاں پکڑی گئیں۔ جبکہ دو کاروں سے لاکھوں کا گٹکا بھی تحویل میں لے لیا گیا۔ ایس ایس پی میرپورخاص عابد علی بلوچ کی جانب سے جاری کی گئی ہفتہ وار رپورٹ کے مطابق کوٹ غلام محمد پولیس نے پریمی اور وی آئی پی گٹکا بنانے والی فیکٹریوں پر چھاپے مار کر بھاری مقدار میں تیار گٹکا اور گٹکے کی تیاری میں استعمال ہونے والا سامان برآمد کر کے 7 ملزمان عبدالعزیز پریمی، منظور، خدا بخش، ارشاد، ذوالفقار، سہیل اور محمد سومار کو گرفتار کر کے مقدمہ درج کر لیا ہے۔غریب آباد پولیس نے ایک گٹکا بنانے والی فیکٹری پر چھاپہ مار کر بڑی مقدار میں تیار گٹکا اور گٹکے کی تیاری میں استعمال ہونے والا سامان برآمد کر کے ملزم حسنین آرائیں کو گرفتار کر کے مقدمہ درج کر لیا ہے۔