اسلام آباد (امت نیوز) بہاولپور نے گریڈ ون این بی پی ٹی ٹونٹی بلائنڈ کرکٹ ٹرافی جیت لی، فاتح ٹیم نے اسلام آباد کو 34 رنز سے شکست دے کر ٹائٹل جیتنے کا اعزاز حاصل کیا، محمد راشد میچ کے بہترین کھلاڑی قرار پائے۔ بدھ کو لاہور جمخانہ کرکٹ گرائونڈ باغ جناح گرائونڈ پر کھیلے گئے فائنل میں بہاولپور بلائنڈ ٹیم نے پہلے کھیلتے ہوئے مقررہ اوورز میں 6 وکٹوں کے نقصان پر 205 رنز بنائے، محمد راشد 54 رنز بنا کر ٹاپ سکورر رہے۔