مقابلے میں رہزن مارا گیا-ساتھی فرار

کراچی(اسٹاف رپورٹر) اسپارکو روڈ کے قریب مقابلے میں رہزن ماراگیا جب کہ اس کا ساتھی فرار ہونے میں کامیاب ہوگیا ۔پولیس نے اسلحہ اور لوٹی ہوئی رقم ،موبائل فون اور اسلحہ برآمد کرلیا ۔ تفصیلات کے مطابق سچل پولیس اسپارکو روڈ کے قریب اسنیپ چیکنگ کے دوران موٹر سائیکل سوار 2 ملزمان نے پولیس پر فائرنگ شروع کردی ۔ جوابی کارروائی میں ملزم لیاقت خاصخیلی ولد اللہ بچایو زخمی ہوگیا ،جس کو پولیس نے گرفتار کرکے اسلحہ اور نقدی برآمد کرتے ہوئے زخمی کو فوری طور پر قریبی اسپتال پہنچایا گیا، تاہم اس نے دم توڑ دیا ۔ اس کا ساتھی فرار ہوگیا ۔دونوں احمد اور محمد علی نامی شہریوں نقدی اور موبائ فون چھین کر فرار ہورہے تھے کہ مقابلہ ہوگیا۔ پولیس کا کہنا ہے کہ ہلاک ملزم پہلے بھی گرفتار ہوچکا تھا جبکہ اسکے خلاف منشیات فروشی اور اسٹریٹ کرائم کے متعدد مقدمات بھی درج ہیں ۔ لاش سرد خانے میں رکھوادی ہے۔دریں اثناسولجر بازار پولیس نے 2ملزمان شکیل اور ریحان کو گرفتار کر کے اسلحہ برآمد کرلیا ،بوٹ بیسن پولیس نے جاوید کو گرفتار کر کے اسلحہ برآمد کرلیا ،ماڈل کالونی پولیس نے 2رہزن طلحہ اور عاطف کو گرفتار کر کے اسلحہ موٹر سائیکل برآمد کرلی۔جب کہ پیر آباد پولیس نے 2رہزنوں عرفان عاشق اور امیر معاویہ کو گرفتار کر کے اسلحہ اور موٹر سائیکل برآمد کرلی ۔ شاہراہ نورجہاں پولیس نے 5 ملزمان شکیل، صفیان ، سلمان شیخ ، ضیااور علی کو گرفتار کرلیا۔ ناظم آباد سے ملزمان صلاح الدین ، خالد، افتخار ، عبدالحارث ، غلام اور شان پکڑے گئے ، بغدادی پولیس نے 2 ملزمان عبدالسجاد اور خالد کو گرفتار کرکے منشیات برآمد کرلی ،کلفٹن سے اکرم علی اور غلام حسین ،گلشن اقبال سے ملزم جنید ، جب کہ عزیز بھٹی تھانے کی حدود سے عرفان ، علی بخش اور یوسف ،عوامی کالونی سے بلال اور امین اور گڈاپ سٹی پولیس نے ملزم دلنواز کو گرفتار کرکے اسلحہ برآمد کرلیا ،ادھر سرسید پولیس نے دو منشیات فروش مظفر شاہ اور عبدالرزاق کو گرفتار کرکے بھاری مقدار میں منشیات برآمد کرلی ۔دریں اثنا لیاقت آباد میں 5 ملزمان اسلم، رحمان، سلیم، غنی اور عمران کو گرفتار کرلئے گئے ۔ کورنگی پولیس نے 2مفرور ملزمان سبحان اور عبدالرحمن کوگرفتار کرلیا۔