کیپ ٹاؤن(امت نیوز) کرکٹ ساؤتھ افریقہ کے زیر اہتمام پہلی مزانسی سپر ٹی ٹونٹی کرکٹ لیگ پلیئرز ڈرافٹنگ ہو گئی، جوزی سٹارز نے کرس گیل اور ڈربن ہیٹ نے راشد خان سے معاہدہ کر لیا، واحد پاکستانی کھلاڑی آصف علی کیپ ٹاؤن بلٹز کی طرف سے ایکشن میں دکھائی دیں گے۔ ایونٹ 16نومبر سے 16 دسمبر تک کھیلا جائے گا جس میں چھ ٹیمیں ٹائٹل کے حصول کیلئے قسمت آزمائی کریں گی جن میں جوزی سٹارز، ڈربن ہیٹ، کیپ ٹاؤن بلٹز، نیلسن منڈیلا بیجائنٹس، پارل راکس اور ٹشوان سپارٹنز شامل ہیں۔ جنوبی افریقہ میں پہلی مزانسی سپر ٹی ٹونٹی لیگ کے سلسلے میں کھلاڑیوں کی ڈرافٹنگ ہوئی جس میں چھ مارکیو انٹرنیشنل کھلاڑیوں سمیت کئی دوسرے مقامی اور بین الاقوامی کھلاڑیوں کی ڈرافٹنگ ہوئی۔
٭٭٭٭٭