کینڈی(امت نیوز) سری لنکا اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا چوتھا میچ (آج)ہفتہ کو کینڈی میں کھیلا جائیگا۔تفصیلات کے مطابق مہمان انگلش ٹیم کو سیریز میں 2-0 کی برتری حاصل ہے۔ دونوں ٹیموں کے درمیان پہلا ون ڈے بارش کی نذر ہو گیا تھا اور دوسرے ون ڈے میں انگلینڈ نے میزبان سری لنکن ٹیم کو ڈک ورتھ لوئس میتھڈ کے تحت 31 رنز سے ہرایا تھا جبکہ تیسرے میچ میں انگلینڈ ٹیم نے میزبان ٹیم کو 7 وکٹوں سے شکست دیکر سیریز میں 2-0 کی برتری حاصل کی تھی۔