برسلز (امت نیوز) فرانس کے نامور ٹینس سٹار گیل مونفلس اور انگینڈ کائل ایڈ مونڈ فتوحات برقرار رکھتے ہوئے یورپین اوپن ٹینس ٹورنامنٹ مینز سنگلز کوارٹر فائنلز میں پہنچ گئے۔ جمعہ کو بیلجیئم میں جاری ایونٹ میں کھیلے گئے مینز سنگلز پری کوارٹر فائنل میچز میں برطانوی کھلاڑی کائل ایڈ مونڈ انتہائی شاندار کارکردگی کا مظاہرہ کرتے ہوئے حریف ہسپانوی کھلاڑی راموس وینولاس کو سٹریٹ سیٹس میں 6-0 اور 6-2 سے شکست دیکر ایونٹ کے کوارٹر فائنل کے لئے کوالیفائی کرلیا۔