پشاور(امت نیوز)پشاور میں جاری26 ویں ایم آئی ڈی کیریئرمنیجمنٹ کورس کے دوران سپورٹس ویک کا شاندار انعقاد، جس میں ٹیبل ٹینس ، لان ٹینس، سکواش، بیڈمنٹن اور کرکٹ کے مقابلے منعقد ہوئے ،سپورٹس ویک کے سلسلے میں نیشنل انسٹی ٹیوٹ آف منیجمنٹ پشاور میںکرکٹ کا فائنل ڈی جی سپورٹس الیون اور پشاور وائٹ کے مابین کھیلاگیا جس میں ڈی جی سپورٹس الیون کی ٹیم نے بہترین کھیل کا مظاہرہ کرتے ہوئے پشاور وائٹ کو سات وکٹوں سے شکست دیدی ، بہترین آل رائونڈ پرفارمنس کامظاہرہ کرنے پر ڈی جی سپورٹس الیون کے کپتان جنید خان کو مین آف دی میچ کا ایوارڈ دیا گیا ، پشاور وائٹ کے کپتان اسفندیارخٹک نے ٹاس جیت کر پہلے بیٹنگ کرنے کا فیصلہ کیا اور مقررہ بیس اوورمیں چھ کھلاڑیوں کے نقصان پر 137 رنز بنائے جس میں احمد زیب 35 ، اسفندیارخٹک 33 ، ذاکر28 اور کامران 25 رنز کے ساتھ نمایاں سکور رہے ۔ ڈی جی سپورٹس الیون کی طرف سے کپتان جنیدخان نے شاندار بائولنگ کا مظاہرہ کرتے ہوئے چار کھلاڑیوں کو آئوٹ کیا جبکہ سردار اسد ہارون ، فرحت اﷲ مروت اور غلام سعید نے دو دو کھلاڑی آئوٹ کئے ، جواب میں ڈی جی سپورٹس الیون کی ٹیم نے جارخانہ کھیل کاآغاز کیا اور مطلوبہ ہدف پندرویں اوور میں تین کھلاڑیوں کے نقصان پر پورا کیا۔