کراچی (اسٹاف رپورٹر)گلشن اقبال میں ڈاکوؤں نے مزاحمت کے خدشے پر فائرنگ کرکے چوکیدار مار دیا ۔تفصیلات کے مطابق یونیورسٹی روڈ پر ریسٹورنٹ کے قریب مسلح ملزمان دو شہریوں شاہ میر اور افتخار سے لوٹ مار کرکے فرار ہو نے لگے اسی دوران عقب سےاسلحہ لوڈ ہونے کی آواز پر ملزمان بدحواس ہو گئے اور مزاحمت کے خدشے پر اندھا دھند فائرنگ کردی جس سے چوکیدار عبدالوہاب ولد حضرت ولی موقع پر جاں بحق ہو گیا۔